As toupiñas, xunto cos animais cos que se vai tropezando, chegan ás aulas de 4 anos do Ceip Emilia Pardo Bazán na Coruña, e non pensan marchar tan pronto, teñen moitas cousas que contarnos...
Así é, algúns días o blog está tranquilo e non hai novidades, outros e sen saber como sucede, aparecen vídeos, letras, músicas... ou sexa que o mellor que podemos facer é estar alerta.
Hoxe cando abrimos pola mañá o blog escoitamos un misterioso cri cri cri, e de seguido xente cantando, pero entender entender, non se entendía de todo...
As bibliotecas das aulas de 4 anos teñen moitos libros con animais!!! Seguro que se investigamos un pouco polas bibliotecas das casas, pola do colexio, ou pola biblioteca do barrio levamos unha sorpresa coa cantidade de libros nos que aparecen pombas, grilos, cabalos, cabras, cans... Convidovos a que mandedes o titulo ou unha foto dos libros que vaiades atopando para engadilo a nosa lista de: Os libros con animais que nos gustan!